Në muajin gusht këtë vit janë lëshuar 184 leje ndërtimi, që është 12,4 për qind më pak krahasuar me të njëjtin muaj të vitit të kaluar, njoftoi sot Enti Shtetëror i Statistikës (ESHS). Lejet e ndërtimit të lëshuara janë në rajonin e Pollogut 43, pasuar nga rajoni i Shkupit me 34, rajoni lindor me 28, rajoni i Pellagonisë me 25, rajoni i Vardarit dhe ai Jugperëndimor me 14 dhe përkatësisht 13.
Sipas lejeve të ndërtimit të lëshuara në gusht të këtij viti, vlera e objekteve është 3.173.512.000 denarë, që është 36,4 për qind më shumë krahasuar me gushtin e vitit të kaluar.
Nga numri i përgjithshëm i lejeve të lëshuara të ndërtimit, 112 (60,9 për qind) janë për ndërtesa, 25 (13,6 për qind) janë për strukturat e inxhinierisë civile dhe 47 (25,5 për qind) janë për rindërtime.
Në 105 objekte (57,1 për qind) investitorët janë persona fizikë dhe në 79 (42,9 për qind) objekte investitorët janë subjekte afariste.
Në periudhën e raportit, 582 banesa janë planifikuar për ndërtim me sipërfaqe totale të dobishme dyshemeje prej 42.943 metra katrorë. Shumica e apartamenteve të reja 359 do të ndërtohen në rajonin e Shkupit, nga të cilat 167 janë në Komunën e Gazi Babës, 140 në Komunën e Qendrës dhe 40 në Aerodrom. Në rajonin Jugperëndimor, planifikohet ndërtimi i 92 apartamenteve nga të cilat 82 në Dibër.
