Gjatë 24 orëve të fundit në Shkup kanë humbur jetën nëntë pacientë me coronavirus dhe vetëm njëri prej tyre ka pasur më shumë se 70 vjet.

Sipas të dhënave të Ministrisë së Shëndetësisë, pacientët e vdekur janë të moshës nga 46 deri në 64 përveç njërit pacient i cili kishte 82, njofton Telegrafi Maqedoni.

Në Shkup gjatë këtyre 24 orëve të fundit ka pasur 472 raste të reja, dhe janë shëruar 560 pacientë, ndërsa numri i rasteve aktive sërish mbetet mbi 10 mijë.

Më së shumti raste aktive në Shkup ka në Komunën e Gazi Babës me 1.488 raste, dhe më pas vjen Aerodromi me 1.460 raste kative.

Në Çair ka 632 raste, Karposh 1.166, Komuna Qendër 1.142, Kisella Voda 1.235, Gjorçe Petrov 877, Butell 573, Shuto Orizare 211, Studeniçan 50, Saraj 159, Haraçinë 33, Ilinden 247, Sopishte 63, Çuçer Sandeva 98, Petroveci 131 dhe Zelenikova 85.