Sulmuesi i Paris Saint Germainit, Neymar, do t’i nënshtrohet operimit pas lëndimit në kyçin e këmbës në derbin ndaj Marseille.
Do të thotë se 26-vjeçari do të mungojë në ndeshjen e kthimit ndaj Real Madridit.
Neymar në momentin e lëndimit – Foto: Getty Images
Trajneri i PSG-së kishte thënë se ka “pak shanse” që ai të luajë ndaj Los Blancos, por pastaj babi i lojtarit kishte thënë braziliani do të mungojë “gjashtë deri në tetë javë”.
Por, tani klubi francez ka thënë se lojtari do të operohet në fund të javës dhe kjo do t’ia shtyjë datën e rikthimit në fushë.
Sulmuesi kaloi te PSG-ja nga Barcelona gjatë verës për 222 milionë euro dhe deri më tani ka shënuar 29 gola në 30 ndeshje.
Mungesa e tij në Ligue 1 nuk pritet të jetë problem pasi PSG është 14 pikë mbi Monacon.
Vlen të theksohet se është vënë në pikëpyetje edhe mungesa e Neymarit në Kupën e Botës me Brazilin, por kjo ka pak mundësi të ndodhë pasi deri atëherë shpresat janë të mëdha që ai të rikuperohet. /Telegrafi/
