Kriza politike ka goditur rëndë edhe personat që vuajnë nga sëmundje të rralla. Ata ankohen se përballen me mungesë të barnave për disa muaj. Anja Bosilkova Antovska nga Shoqata Vilson Maqedoni thotë se nuk ka kush të firmos për furnizimet e reja.
“Ilaçet tona nuk guxojnë të jenë të pranishme në klinika, sepse nuk ka njeri që të nënshkruajë furnizim të ri të barnave siç është rasti tani. Ka ndodhur në këto dy vjet nga disa muaj mos të ketë ilaçe “– u shpreh Anja Bosilkova Antovska,Vilson Maqedoni.
Antovska tha se njerëzit me sëmundje të rralla janë të padukshëm dhe se organizatat që i përfaqësojnë interesat e këtyre pacientëve duhet të përfshihen në hartimin e ligjeve të duhura, transmeton Gazeta Express.
“Kuvendi Parlamenti duhet më tepër ti përfshijë qytetarët dhe organizatat civile që të ketë ligje më të mira dhe mos kemi raste ku në tre vjet, pesë herë ndryshon një ligj. Ne kishim një rast të tillë me ligjin e arsimit të lartë, me ligjin për diskriminim dhe tani paraqitet nevoja për ndryshimin e këtij”– tha Damir Neziri, Fondacioni për demokraci.
Sot në Ohër u mbajt debat mbi këtë temë, ku morën pjesë përfaqësues të organizatave civile dhe mediave./Alsat-M/
