Presidenti Ilir Meta lë të kuptuar se shumë shpejt mund të kërkojë referendum popullor për ndryshimin e Kushtetutës. Duke e quajtur Kushtetutën mbi çdo institucion tjetër në Shqipëri, presidenti ka publikuar dy foto në rrjetet sociale ku i shoqëron me shkrimin:

“Sot është dita e Referendumit të tradhtuar. KOHA PËR REFERENDUM TË RI!”

Në njërën foto para se të prononcohej për mediat ditën e djeshme, Kreu i Shtetit është ndalur para ushtarit të Gardës së Republikës dhe e ka nderuar me një përshëndetje ushtarake.

“Ti do jesh ushtari i dytë në mbrojtje të Republikës se ushtari i parë do jem unë”, mësohet se i ka thënë Presidenti.