Ministri i Shëndetësisë, Bekim Sali, ka dalë me premtimin e tretë për zgjidhjen e problemit me repartin e fëmijëve në Ohër. Prej një viti funksionon vetëm si klinikë e zakonshme, për mungesë të mjekëve pediatër. Premtimet janë pothuajse të njëjta me dy të mëparshmet. Ai thotë se mungesa e kuadrove profesionale do të duhet të kompensohet nga qytetet përreth, shkruan Alsat.
“Kjo do të thotë se nga drejtorët është kërkuar që të ketë marrëveshje mes dy institucioneve, që mjekët nga Struga dhe Ohri të bëjnë rotacione në baza javore”, deklaroi Bekim Sali – Ministër i Shëndetësisë.
Në fillim të prillit të këtij viti, nga zyra e ministrit thanë se po punohet për gjetjen e një zgjidhjeje të përkohshme dhe afatgjatë. Por vjeshta ka ardhur dhe zgjidhje nuk ka.
