UEFA i ka bërë të qarta qëllimet e tyre që nga fillimi: të përcaktojë përparësitë e ligave vendase para garave të tyre, në mënyrë që të shpëtojnë financat e klubeve.

Shtëpia e futbollit evropiane shtynë Euro 2020 deri në vitin 2021 dhe lanë qershorin dhe korrik të lirë për ligat vendase për të përfunduar sezonet e tyre.

Pasi të zgjidhet futbolli vendas, UEFA planifikon të zhvillojë fazat e fundit të Ligës së Kampionëve dhe Ligës së Evropës në muajin gusht.

Sipas gazetës Marca, ideja është gjithashtu që të mbahen finalet, kudo të luheshin përkatësisht në Stamboll dhe Gdansk.

Ende kanë mbetur edhe 17 ndeshje për t’u luajtur në Ligën e Kampionëve, me klube të mëdha si Atletico Madridi, Real Madridi, Barcelona, Manchester City, Juventusi dhe PSG ende pjesë e garës.

Ndërkohë, kanë mbetur 27 ndeshje në Ligën e Evropës, ku as këtu nuk mungojnë klube të mëdha si Interi, Manchester Unitedi dhe Sevilla.

Bordi i drejtuesve të UEFA-s do të takohet përsëri më 27 maj për të diskutuar caktimin e ardhshëm të garave të tyre.

Plani është që të mbahet finalja e Ligës së Kampionëve më 29 gusht, duke lënë fillimin e fazave të grupeve të sezonit të ardhshëm deri më 20 tetor.