Pagjumësia mund të jetë një arsye e fortë për sëmundje të ndryshme të zemrës, duke ndikuar negativisht në funksionin e zemrës së një personi, sipas një studimi të ri.

Studimi ka paralajmëruar më tej se njerëzit, të cilët punojnë në  shërbime mjekësore, zjarrfikëse apo urgjenca, të cilët janë të detyruar të punojnë me turne 24-orëshe, janë në një rrezik të lartë për shëndetin e tyre.

“Për herë të parë, ne kemi treguar se privimi nga gjumi  mund të çojë në një rritje të konsiderueshme të presionit të gjakut“, thotë autori i studimit, Daniel Kuetting, nga Universiteti i Bonit në Gjermani.