Përqindja e papunësisë në euro zonë ka mbetur e qëndrueshme në muajin nëntor, në 9,8 për qind, niveli më i ulët që prej korrikut 2009, njoftoi sot Zyra evropiane e Statistikave, Eurostat.

Kjo përqindje është konform pritjeve të analistëve të pyetur nga ndërmarrësit e shërbimeve financiare “Factset”.

Në muajin tetor, përqindja e papunësisë ishte tashmë 9,8 për qind pas 9,9 për qind në muajin shtator, ku arriti për herë të parë pas pesë vitesh nën 10 për qind, përcjell ksp.

Në krizën më të rëndë të borxhit, papunësia arriti përqindje rekord në 12,1 për qind në muajt prill, maj dhe qershor 2013.