Partia e Drejtësisë, me rastin e Festës së Pashkëve, përgëzon të gjithë besimtarët e besimit të krishterë, duke shprehur dëshirën që mesazhet dhe porositë që dalin nga kjo festë të jenë si gjithherë në funksion të fisnikërimit të popullit tonë dhe gjithë popujve në botë.
“Populli shqiptar ndër shekuj ka kultivuar tolerancë, dashuri dhe mirëkuptim të ndërsjellë, andaj shpresojmë që një frymë e tillë do të vazhdojë edhe në të ardhmen. Festat fetare të të gjitha besimeve, ngërthejnë në vete mesazhe paqeje, dashurie dhe harmonie”, thuhet në urimin e PD-së.
“Urojmë sinqerisht që Festën e Pashkëve ta kaloni sa më mirë në familjet dhe të afërmit tuaj me bindjen se për Kosovën dhe qytetarët e saj, kudo që ata jetojnë dhe punojnë, do të vijnë gjithnjë e më shumë ditë të mira për jetesë dhe festime dinjitoze”, përfundohet në urimin e Partisë së Drejtësisë.
