Barcelona më 13 gusht (e diel) në Camp Nou zhvillon ndeshjen e parë finale të Superkupës së Spanjë, Real Madridin.
Këtë ndeshje shumë të rëndësishme, Barcelona e nis pa Neymarin tashmë të larguar, e në anën tjetër ‘mbretërit’ vijnë me entuziazëm pas triumfit ndaj Manchester Unitedit në Shkup në kuadër të Superkupës së Evropës.
Por, për fituesit e Superkupës së Evropës nuk do të ketë pritje nderi në Camp Nou nga lojtarët e Barcelonës, kështu së paku raporton ‘Don Balon’.
Është Gerard Pique që ka refuzuar t’i bëhet një pritje e tillë Real Madridit.
Duke parë situatën e Barcelonës, jo në motivin e duhur pas largimit të Neymar, dhe me një humbje eventuale të dielën nga Real Madrid në shtëpi, bën që pritja e tillë për rivalët të ishte gjëja e fundit që iu shkon ndërmend.
