Në çajtore u mbajt mbledhja që zgjidh duhet të zgjidh hallin e mbi 250 mijë banorëve për çështjen e mbeturinave. Marrëveshja të cilës u tha se iu vu kapak, mbrëmë përsëri nuk arriti të vihet në praktikë.
E zezë në të bardhë, marrëveshja thotë se kamionët me mbeturina nga Komuna e Tetovës duhet të shkarkohen nga ora 01 e mëngjesit e deri në orën 06.
Por bartësit e mbeturinave ishin pranë deponisë “ Rusino” në orën 22h, gjë që nuk u mirëprit nga banorët.
Këta të fundit deri në 5 të mëngjesit bllokuan rrugën për kamionët e Ndërmarrjes Publike Komunale të Tetovës.
Kryetari i bashkësisë Lokale të Banjicës së poshtme, Nasir Asipi thotë se marrëveshja dy herë është shkelur nga Komuna e Tetovës brenda tre ditëve, dhe për këtë arsye nuk do të ketë më tolerime.
“Bllokadat do të hiqen, kështu u morëm vesh me Hyseinin. Marrëveshja do të respektohet. Sontë do të fillojnë të bartin mbeturinat”, u shpreh Nasip Hasipi, Kryetarë i bashkësisë lokale Bajnicë..
Edhe pse orari për të cilin janë marrë vesh për bartjen dhe shkarkimin e mbeturinave është nga ora 1-6 deri në të mëngjesit drejtori I Ndërmarrjes Publike Komunale Të Tetovës, Xhelal Ceka, tha se procesi do të fillonte në orën 22:00.
“Realisht marrëveshja është që sonte nga ora 22 të fillohet me bartjen e mbeturinave”, tha Xhelal Ceka, Drejtor i NPK Tetova.
Nga Komuna e Tetovës iu japin të drejtë banorëve të Banjicës së Poshtme për bllokimin e rrugës dhe pengimin e kamionëve.
Sipas kryetarit të këshillit Komunal të Tetovës, pati një vonesë në pastrimin e trasesë së rrugës.
“kemi verifikuar situatën në terren dhe e gjitha traseja është e pastruar që ishte një nga pikat kryesore dhe rampat për kontroll janë vendosur, dhe jemi marrë vesh të ju përmbahemi të gjitha pikave”, tha Hisen Xhemaili, Kryetarë i Këshillit Komunal të Tetovës.
Kërkesa tjetër e banorëve të fshatit më të afërm me deponinë, ishte që të groposen mbeturinat e tubuara deri më tani në Rusino.
Për ndryshe, banorët kërcënuan se do ta bllokojnë përsëri rrugën në shenjë proteste për jokorrektësi, nga ana e organeve kompetente.
https://youtu.be/oDGphU8Yr_A?t=3
