Boronica është një ndër frutat që është klasifikuar si shumë i shëndetshëm. Studiuesit i kanë cilësuar si “grali i shenjtë” i ngadalësimit të procesit të plakjes dhe aftësitë për të luftuar efektivisht sëmundjet e zemrës dhe Alzajmerin.

Një studim i kryer së fundmi i rendit ato në krye të listës për aftësitë antioksiduese, krahasuar me 40 lloj frutash të tjera.

Nga studimi është arritur në përfundim se boronicat janë shumë efektive për të luftuar radikalet e lira, kolesterolin e lartë dhe infeksionet. Disa nga efektet e shëndetshme të boronicave janë;

Luftojnë plakjen
Boronicat përmbajnë antioksidantë, të cilat luftojnë procesin e plakjes.

Luftojnë kancerin
Boronicat kanë në përbërje të tyre elementë, të cilët nxisin disa lloj enzimash të parandalojnë kancerin dhe rritjen e qelizave tumorale në rast të shfaqjes.

Lehtësojnë diarrenë
Në Suedi, boronicat e thata përdoren për të kuruar diarrenë te fëmijët. Ato vrasin bakterin E.coli, i cili lidhet shpesh me këtë infeksion.

Rrisin përqendrimin dhe kujtesën
Është provuar se ekstrakti i boronicës rrit përqendrimin, aftësitë për të koordinuar punët dhe kujtesën afatshkurtër. Antocianina, e cila i jep frutit ngjyrën blu, vepron si mbrojtës për neuronet.

Janë të dobishme për shtatzëninë
Boronicat janë një burim i acidit folik. Ato përmbajnë edhe vitaminë C, kalcium dhe disa elementë të tjerë të domosdoshëm për nënat shtatzëna. Gjithashtu, fibrat në përbërje të tyre ndihmojnë tretjen dhe jashtëqitjen.

Reduktojnë rrezikun e sëmundjeve të zemrës
Boronicat reduktojnë atë që njihet me emrin “kolesteroli i keq”, i cili ndikon në sëmundjet kardiovaskulare deri te ataku i zemrës.

Parandalojnë infeksionet urinare
Një element që gjendet te boronicat është provuar se ndikojnë pozitivisht te trakti urinar dhe reduktojnë rrezikun e infeksioneve, shkruan albeu. Ai sulmon bakteret që ngjiten te qelizat e mureve të traktit urinar.