Ndryshimet kushtetuese aktuale janë jodemokratike, kundërhistorike, diskriminuese dhe raciste ndaj popullit shqiptar në Maqedoni.
Vetëm armiqtë, tradhtarët, kuislingët dhe mercenarët e popullit shqiptar bëjnë pazare politike të këtij niveli, në dëm të interesave kombëtare dhe të drejtave themelore të popullit që e përfaqësojnë.
Çka duhet t’u ndodhë shqiptarëve më tepër që ta kuptojnë se janë popull i pushtuar, i diskriminuar, i shtypur, i ndaluar, i mashtruar, i papërfaqësuar, i shtypur dhe sunduar nga një klikë politike jodemokratike, e korruptuar dhe kriminale, kundërshqiptare, kundërevropiane dhe kundërcivilizuese?!
I
Kushtetuta e Republikës së Maqedonisë, 17 nëntor 1991:
Neni 48
Pjesëtarët e kombësive kanë të drejtë që lirisht t’i shprehin, kultivojnë dhe zhvillojnë identitetin e tyre dhe veçoritë nacionale.
Republika ua garanton kombësive mbrojtjen e identitetit etnik, kulturor, gjuhësor dhe fetar.
Pjesëtarët e kombësive kanë të drejtë të themelojnë institucione kulturore dhe artistike, shoqata shkencore dhe shoqata të tjera me qëllim të shprehjes, kultivimit dhe zhvillimit të identitetit të tyre.
Pjesëtarët e kombësive kanë të drejtë në mësim në gjuhën e tyre në arsimin fillor dhe të mesëm, në mënyrën e përcaktuar me ligj. Në shkollat në të cilat arsimimi zhvillohet në gjuhën e kombësisë, mësohet edhe gjuha maqedonase.
II
Kushtetuta e Republikës së Maqedonisë, sipas ndryshimeve kushtetuese në frymën e Marrëveshjes së Ohrit, të miratuara nga Parlamenti më 16 nëntor 2001:
AMENDAMENTI VIII
- Pjesëtarët e bashkësive kanë të drejtë lirisht ta shprehin, kultivojnë dhe zhvillojnë identitetin dhe veçoritë e bashkësive të tyre dhe t’i përdorin simbolet e bashkësisë së tyre.
Republika ua garanton të gjitha bashkësive mbrojtjen e identitetit etnik, kulturor, gjuhësor dhe fetar.
Pjesëtarët e bashkësive kanë të drejtë të themelojnë institucione kulturore, artistike, arsimore, si dhe shoqata shkencore dhe shoqata të tjera me qëllim të shprehjes, kultivimit dhe zhvillimit të identitetit të tyre.
Pjesëtarët e bashkësive kanë të drejtë të ndjekin mësimin në gjuhën e tyre në arsimin fillor dhe të mesëm, në mënyrë të përcaktuar me ligj. Në shkollat në të cilat arsimimi zhvillohet në gjuhë tjetër, mësohet edhe gjuha maqedonase. - Me këtë amendament zëvendësohet neni 48 i Kushtetutës së Republikës së Maqedonisë.
III
Marrëveshja kornizë e Ohrit, e nënshkruar në Shkup, më 13 gusht 2001:
Pika 6. Arsimimi dhe përdorimi i gjuhëve
- Lidhur me shkollimin fillor dhe të mesëm, mësimi do të zhvillohet në gjuhën amtare të nxënësve, e njëkohësisht në mbarë Maqedoninë do të aplikohen standardet e unifikuara për programet akademike.
(21 dhjetor 2018)
