Derisa disa ditë më parë kishte raportuar se ishte rrahur nga nga dy pjesëtarë të Policisë së Kosovës, Agron Mustafa sot e ka dëshmuar këtë edhe përmes një video në profilin e tij në Facebook.
Në videon e postuar shihen personat që e kanë sulmuar drejtorin menaxhues të Telekomit të Kosovës.
“Ja si i ‘sulmova’ policët. Së pari u kërkoj falje prindërve, gruas, fëmijëve, motrave e vëllezërve si dhe gjithë familjes për videon e postuar. Pamjet e postuara janë vetëm për 18+.
Te nderuar:
Ministër i Punëve të Brendshme,
Ministër i Drejtësisë,
Kryeprokuror i Shtetit,
Kryeshef i Inspektoratit Policor,
Drejtor i Përgjithshëm i Policisë,
Unë nuk do të komentoj gjë, por po e lë në vlerësimin dhe komentimin tuaj e te publikut”, ka shkruar Mustafa.