Reagon ministri i brendshëm Culev: Qytetarët janë të vetëdijshëm se prapa lehtësimit të masave për kufizimin e lëvizjes qëndron vetëm dëshira e partisë në pushtet për zgjedhje të shpejta

Pas reagimeve nga ana e përfaqësueve të pozitës se ministri i brendshëm nuk ka reaguar dhe nuk ka dënuar qytetarët të cilët kanë thy dhe nuk kanë respektu masat dhe rekomandimet gjatë orës policore, i njejti vjen me reagim të ashpër drejtuar pushtetit. Përmes një statusi në fejsbuk ai shkruan:

Rritja e numrit të pacientëve është një pasojë e drejtpërdrejtë e faktit se qeveria, në vend që të ndjekë politika thelbësore, ka bë PR ditor me çështjë që kanë të bëjnë me koronavirusin. Çdo vendim i Qeverisë në lidhje me masat, veçanërisht kur zgjedhjet filluan të bëhen aktuale, u mor përmes prizmit të politikës, dhe jo për të mbrojtur shëndetin dhe jetën e qytetarëve dhe kjo është një fakt nga i cili nuk ka shpëtim.

Nëse ata kanë një dyshim se policia nuk ka vepruar siç duhet, ata duhet t’i referojnë çështjen Drejtorit të Byrosë së Sigurisë Publike dhe t’i kërkojnë atij të marrë përgjegjësi. Në disa raste, unë me gojë, përmes Trupit Koordinues të Ministrisë së Brendshme, por edhe me shkrim, kërkova zbatim me kohë, jo selektiv, të plotë dhe të duhur të vendimeve të qeverisë. Mbrojtja e shëndetit nuk është politikë. Është një veprim operacional i policisë që është në kompetencën e plotë të Drejtorit të Sigurisë Publike, një fakt që ai konfirmoi dhe theksoi në disa telegrame.

“Qytetarët janë të vetëdijshëm se prapa lehtësimit të masave për kufizimin e lëvizjes qëndron vetëm dëshira e partisë në pushtet për zgjedhje më të shpejta, dhe shëndeti i qytetarëve është sekondar dhe për këtë kam theksuar në mënyrë të përsëritur në seancat publike dhe qeveritare.

Fakti që Ministria e Brendshme ka filluar të zbulojë krimin çdo ditë në të cilën përfshihen zyrtarë të partisë në pushtet është ndoshta arsyeja e nervozizmit në radhët e tyre. Ndër të tjera, publiku duhet të dijë për ofendimet e përditshme, por edhe kërcënimet për jetën time që unë jam i ekspozuar, të cilat dëshmojnë më tej për nivelin e ulët të kulturës politike, por edhe për panikun që është i pranishëm në to. Qytetarët duhet ta dinë që asnjë deklaratë politike nuk do të më trondisë në synimin tim për të mbrojtur shëndetin dhe jetën e qytetarëve, por edhe të qëndroj i përkushtuar në luftën jo selektive kundër korrupsionit dhe krimit.

Gjëja më e rëndësishme për mua është qytetarët dhe mendimi i tyre, unë do të vazhdoj të bëj gjithçka që është e nevojshme për të mbrojtur shëndetin e tyre dhe shëndetin e të gjithë kombit. Deklaratat e sotme janë vetëm politike dhe ato janë një presion i parimeve për punën time thuhet në reagimin e ministrit të brendshëm teknik Culev.