Rekord i ri botëror, 160 dronë në mënyrë të sinkronizuar dhurojnë spektakël në Londër

Rekordi botëror për numrin më të madh të dronëve që janë përdorur gjatë një spektakli të kompanisë telefonike BT, ka arritur të bëhet kryetemë e mediave botërore.

Në një total prej 160 dronë kanë fluturuar në mënyrë të sinkronizuar derisa këngëtarja Jess Glynne po performonte hitin “I’ll be there” në eventin e organizuar në Wembley, transmeton Telegrafi.

Që të gjithë dronët janë kontrolluar nga një kompjuter i kontrolluar nga nxënësit e një shkolle në pjesën qendrore të Londrës.

Nxënësit e shkollës St Joseph në Islington të Londrës, kanë ndihmuar në realizimin e koreografisë së sinkronizuar të dronëve që fluturonin mbi kokat e të pranishmëve.

Me këtë rast zyrtarët e librit të rekordeve Guiness, i kanë dorëzuar çmimin për këtë spektakël të paparë.

SHPËRNDAJE