Këngëtarja shqiptare me famë botërore Rita Ora ka bërë çdo herë krenarë shqiptarët me paraqitjet e saj.

Këtë të diele, atë do ta shohim për herë të parë si prezantuese në një prej eventeve më të mëdha që organizohet në Evropë, atë të “MTV Europe Music Awards 2017”. 

Së fundmi, ajo ishte e pranishme në koncertin “Key 103” ku ka performuar ‘live’ para publikut anglez.

E veshur në ngjyrën e kuqe, dhe kombinuar me disa elemente të zeza, këngëtarja portretizoi edhe më shumë prejardhjen e saj.

Këngëtarja Rita Ora dukej shkëlqyeshëm në performancën e saj të fundit në “Key 103”, në të cilin u shfaq e veshur në ngjyrat kuq e zi.

Ora shquhet për format atraktive dhe energjinë e saj që transmeton në skenë.

Prezantimi i “MTV Ema 2017” është një prej ndereve më të mëdha që i është ofruar ndonjëherë në jetën e saj, dhe kështu është shprehur edhe vet këngëtarja në një nga intervistat e fundit.

Rita Ora, e entuziazmuar për spektaklin “MTV Ema 2017”.

“Pjesëmarrja ime në këtë event është një moment historik që nuk vjen dy herë në jetë sepse mos harroni origjinën time, unë jam me refugjatët”, ka thënë Rita Ora duke potencuar për të disatën herë origjinën e saj.

Mbrëmja e ndarjes së çmimeve “MTV Europe Music Awards 2017”, do të mbahet të dielen në Wembley Arena, të Londrës.

Përveç që do të prezantojë, Ora gjendet edhe në listën e të nominuarve për çmimin e dukjes më të mirë.