Ziadin Sela në fjalim e tij në tubimin që Aleanca për Shqiptarët mbajti në Kërçovë ju drejtua Ali Ahmetit dhe Menduh Thaçit me apel të votojnë Aleancën për Shqiptarët nëse vërtetë duan të mirën e nipërve dhe mbesave të tyre . Ndër të tjera z.Sela tha : ” Dua ta pyes publikisht Ali Ahmetin pse u fsheh dikur prapa sinqeritet dhe pastërtisë së ministrave të rinjë ndërsa prapa kuintave i mbante po të njejtit ministra që kishin keqpërdor detyrën . Dua ta pyes publikisht Ali Ahmetin sot pse fshihet dhe mundohet që me kuadro të reja të panjohura para opinionit ti ikë përgjegjësise dhe obligimeve që ka marr në 2014 . Demokracia është përgjegjësi përpara premtimeve që i jep dhe sot duhet të vish me ato kuadro që i kishe në 2014 dhe tu tregosh shqiptarëve se çfar ke bërë . Ali Ahmeti nga 2014 i ka djeg 153000 vota , sepse një votë që shkon me një subjekt ditën e zgjedhjeve për premtimet që jep dhe që nuk mban asnjë premtim është votë e djegur dhe votat që do të shkojnë për BDI do të jenë vota të djegura . Prandaj Ali nëse vërtetë shqetsohesh për fatin e fëmijëve , nipërve dhe mbesave tua më 11 dhjetor ke shansin ta votosh Aleancën për Shqiptarët , prandaj Menduh nëse shqetsohesh për mbesën tënde votoe Aleancën për Shqiptarët më 11 dhjetor sepse e ke këtë mundësi , dhe mos u shqetsoni aspak sepse ne nuk kemi dal që ti fitojmë shqiptarët por që shqiptarët ti bëjmë fitimtarë . Ali të dëgjova me vëmendje kur the se shqiptarët e Sopotit kanë qenë pa faj të burgosur , shqiptarët e Monstrës kanë qenë pa faj, por mos harro se ti ke qenë në qeveri edhe atëher edhe tani edhe kur ndodhi Lagja e trimave. U shpreh Ziadin Sela në tubimin që Aleanca për Shqiptarët e mbajti në Kërçovë.
