Aleanca për Shqiptarët do të votojë pro ndryshimeve kushtetuese, pasi që kryeministri Zoran Zaev pranoi amendamentin për ndryshime në Preambulë.
Kryetari i Aleancës, Ziadin Sela pas takimit ka deklaruar para mediave se ka qenë një takim i frytshëm ku ka pasur kompromis.
“Me kënaqësi ju informojë se prej sot nuk ka më dy kategori qytetarësh, sot patëm një takim shumë të frytshëm me Kryeministrin Zaev me ç’rast biseduam rreth kërkesave tona sa ju takon ndryshimeve kushtetuese dhe arritëm një kompromisë sa i takon preambulës e cila në të ardhmen nuk do të bëj më ndarjen e qytetarëve në dy kategori. Gjithashtu biseduam dhe u dakorduam që anëtarsimi i vendit në NATO është interes i përbashkët i të gjithë qytetarëve, prandaj është momenti historik që të sjellim vendime të rëndësishme për vendin dhe të ardhmen e rajonit në përgjithë si”, deklaroi Sela.
Lajmi për arritjen e kompromisit e ka bërë të ditur edhe kryeministri Zoran Zaev.
