Kandidati i Aleancës për Shqiptarët për komunën e Gostivarit, Arben Taravari si ditët tjera ashtu edhe sot ka zhvilluar takime me qytetarët. Ai bëri të ditur se do të kualicionojë edhe me partitë turke në rrethin e dytë në Gostivar. Taravari ka akuzuar se kryeministri po shkel rekomandimin kryesor të ndërkombëtarëve, atë të ndarjes së shtetit nga partia.

“Njerëz të vetëdijshëm ka edhe në partitë maqedonase që janë të vetëdijshëm se duhet ndryshuar regjimi në Gostivar. Kam mbështetjen edhe të partive turke, e besoj do jetë kështu edhe në raundin e dytë. Të gjithë janë të vetëdijshëm se ai që e ka keqpërdorur pushtetin duhet të shkojë. Kryeministri nuk ka të drejtë morale që si kryeministër të përkrahë një parti politike, pasi sipas rekomandimeve të Pribesë, nuk duhet që Qeveria të përzihet në punët dhe aktivitetet partiake”, deklaroi kandidati për kryetar komune në Gostivar, Aleanca për Shqiptarët, Arben Taravari.