Sekretar i Përgjithshëm i NATO-s, Jens Stoltenberg, pritet të zhvillojë një vizitë në Kosovë më 3 Shkurt. Mësohet se zyrtari i lartë do të takohet me Presidentin Thaçi dhe Kryeministrin Mustafa, si dhe do të vizitojë trupat e KFOR-it.

Kjo vizitë e Stoltenberg vjen pas tensioneve të fundit ndërmjet Kosovës dhe Serbisë.

 

Raportet ndërmjet Kosovës dhe Serbisë kanë pësuar një krisje të madhe javët e fundit pasi një tren serb i nisur nga Beogradi, me mbishkrime nacionaliste “Kosova është Serbi”, dështoi të futej në Mitrovicë.