Sipas hulumtimit të ‘Detektor’ e që e zbatoi Instituti për Politika Hulumtuese Shkup, thuajse gjysma e qytetarëve të Maqedonisë konsiderojnë se zgjedhjet duhet të mbahen pas përfundimit të verës.

Në hulumtim, pjesa më e madhe e qytetarëve apo 24.2% shprehen se zgjedhjet duhet të mbahen në shtator. 22.8% shprehen se zgjedhjet duhet të mbahen pas muajit shtator. 15.1% e të anketuarve shprehen se zgjedhjet duhet të mbahen në qershor ndërsa muajin korrik janë 17.6% dhe për gusht 15.8%, njofton Telegrafi Maqedoni.

Nëse zgjedhjet mbahen në fund të qershorit dhe në fillim të korrikut, 48.2% e të anketuarve do të dalin në votime ndërsa 35.1% thonë se nuk do të votojnë. Para coronavirusit, 74.7% e të anketuarve u shprehën se do të votojnë në zgjedhjet kuvendare dhe vetëm 18.1% planifikonin të abstenojnë. Nëse masat kufizuese për largësi trupore, mbajtje të maskave dhe dorezave ende mbeten në fuqi, 45.7% e të anketuarve shprehen se do të votonin dhe vetëm 33.7% thonë se nuk do të votojnë.

Nëse autoritetet shëndetësore japin leje të gjelbër për zgjedhje, në votim do të dalin 69.6% e qytetarëve dhe vetëm 19% thonë se nuk do të shkojnë në zgjedhje.

Sipas hulumtimit, 38.9% e qytetarëve thonë se nëse liderët politikë deklarohen se kriza ka përfunduar dhe nëse bëjnë thirrje për votim, ata nuk do të ndjehen të sigurt, ndërsa 37.5% thonë se do të shkojnë në vendvotime.

Nëse më gjatë pritet në vendvotime sipas rekomandimeve për largësi trupore, mbi një e treta e të anketuarve apo 39.3% e qytetarëve thonë se aspak nuk do të votojnë, kurse 42.9% shprehen se do të dalin në zgjedhje.

Për qytetarët e Maqedonisë së Veriut është e rëndësishme prania e vëzhguesve dhe misioneve ndërkombëtare, mbi të gjitha OSBE dhe ODIHR. 58.8% e qytetarëve thonë se pa praninë e misioneve ndërkombëtare zgjedhjet nuk do të konsiderohen fer dhe të vlefshme ndërsa vetëm 19% e qytetarëve thonë se nuk kanë problem më një gjë të tillë.

Tre e katërta e të anketuarve apo 76.3% thonë se në zgjedhjet e ardhshme, shteti duhet të sigurojë maska, doreza dhe stilograf për votim, ndërsa 15% shprehen se nuk ka nevojë për një gjë të tillë.

Sa i përket masave kufizuese, 59.3% shprehen se muajin e ardhshëm masat do të jenë më të buta muajin e ardhshëm, 23.2% nuk presin ndonjë ndryshim dhe vetëm 7.4% presin që masat të jenë më kufizuese.

Për gjendjen ekonomike 30.7% e qytetarëve presin që gjatë muajit të ardhshëm të ketë përmirësohet, 30.5% thonë se do të përkeqësohet dhe vetëm 27.5% thonë se do të mbetet e njëjtë.

Kjo anketë është zbatuar me telefon nga më 13 dhe 14 maj dhe 1.108 anketues kanë marrë pjesë.