Treni nuk do të arrijë në destinacion?

Treni dhuratë nga Rusia, që thuhet se do të shërbejë në relacionin Beograd-Mitrovicë, e që shihet si rrezik për sigurinë në Kosovë, duket se nuk do ta arrijë destinacionin e dëshiruar.

 

Mediat serbe raportojnë për gjoja “sulm terrorist” në Kosovë, në hekurudhë.

Sipas këtyre raportimeve, “disa persona të maskuar shihen teksa vendosin diçka në shinat e hekurudhës”.

Për këtë arsye, thuhet se treni do të kthehet në Beogradi.

Ndryshe, ministri i Punëve të Brendshëm, Skender Hyseni, ka thënë se nuk do të lejojnë në asnjë mënyrë hyrjen e trenit serb në Republikën e Kosovës.

 

Ndërkaq, presidenti i Kosovës, Hashim Thaçi, ka thënë se ka dhënë urdhër që me çdo çmim të mos lejohet hyrja e trenit serb në Kosovë.

Gazetarja e Telegrafit mëson se treni nuk ka arritur te lokacioni i ish-Ushtrisë jugosllave i quajtur “Vojni Remont”, ku ishte pika e ndalesës. /Telegrafi/