Abdulla Mehmeti
Veprimet e papërgjegjshme dhe vetëmashtrimi i udhëheqësve të subjekteve politike të shqiptarëve në Maqedoni janë antihistorike, joreale, jodemokratike dhe reflektojnë përulje të skajshme ndaj pushtetit të këtij vendi, vetëm në shërbim të interesave personale dhe grupore, jo edhe të interesave të popullit shqiptar në Maqedoni.
Nëse regjimi, kushtetuta dhe koncepti i shtetit nuk ndryshojnë, ka tri rrugë për shpëtimin e shqiptarëve në Maqedoni:
1. t’i ndryshojmë parimet themelore të demokracisë sipas dëshirës së pushtetit të këtij vendi;
2. ta ndryshojmë popullin, duke e varfëruar edhe më tej, plaçkitur, dhunuar, burgosur, terrorizuar, shpërngulur e shfarosur; ose
3. t’u themi udhëheqësve të politikës aktuale të shqiptarëve në Maqedoni: mjaftë na ndihmuat, është koha të ikni, ndoshta pa ju do të jetojmë më mirë!
Kush do të mbajë përgjegjësi për mashtrimet dhe dështimet e derisotme: populli, apo udhëheqësit e tij?
(22 shkurt 2017)
