Trump irritohet nga gazetarët, largohet nga salla

Duhej të ishte një ceremoni për firmosjen e 2 urdhrave të reja për tregtinë, por kreu i Shtëpisë së Bardhë befasoi të gjithë kur doli papritur nga zyra ovale pa i nënshkruar urdhrat.

Duket se shkak për irritimin e Presidentit Donald Trump janë bërë pyetjet e gazetareve lidhur me ish-këshilltarin e tij të sigurisë Michael Flynn, i cili u ofrua te dëshmojë mbi përfshirjen e mundshme të Rusisë në zgjedhjet amerikane, në këmbim të imunitetit nga ndjekja penale.

Pamjet televizive tregojnë situatën e çuditshme, kur Trump hyn në zyrën ovale për të njoftuar firmosjen e urdhrave ekzekutiv. Pas një fjalimi të shkurtër presidenti shpërfilli pyetjet e gazetareve e u zhvendos papritur në një tjetër sallë, duke sikletosur jo pas zëvendës presidentin Mike Pence, i cili e ndoqi nga pas bashkë me urdhrat që duheshin firmosur.

Shtëpia e Bardhë njoftoi më vonë se numri një i Uashingtonit i kishte nënshkruar me dyer te mbyllura urdhrat që kanë të bëjnë me identifikimin dhe parandalimin e abuzimeve në shkëmbimet e huaja tregtare.