Presidenti i ri i Francës, Emmanuel Macron, i cili doli fitimtar përballë një gare të ashpër kundër ektremistës së djathtë, Marinë Le Pen, është përfolur shumë edhe për jetën e tij private, përkatësisht diferencën në moshë me gruan e tij.
Macron 39-vjeç është i martuar me Brigitte Trogneux, 56-vjeç, me të u kryqëzuan në martesë në vitin 2007.
Gruaja e Macronit, pothuajse 20 vjet më e madhe se ai, më parë kishte qenë mësuesja e tij e dramës franceze.
Trogneux ka tre fëmije dhe gjashtë nipër e mbesa dhe në një intervistë kishte thënë se ajo ishte përcjell nga burri i saj që në moshën e tij të re.
“Në moshën 17-vjecare Emannuel më kishte thënë çfarëdo që do të bësh, unë do të martohem me ty,” kishte treguar Trogneux.
Ndërsa dashurinë e saj për burrin ajo e kishte shprehur edhe në intervista tjera, ku ndër të tjera kishte thënë se Macron është i mirë në gjithçka, jo vetëm në politikë.
Por, që nga martesa me mësuesen, ka ende shumë detaje që nuk i dini për presidentin e ri francez.
Emmanuel Macron u zyrtarizua si Presidenti i ardhshëm i Francës. 39-vjeçari mundi kandidaten e djathtë Marine Le Pen, me 65% të votave të parashikuara.
1.Ai ishte një bankier investimesh.
Rruga e Macronit drejt politikës nuk ishte tradicionale. Ai është djali i dy mjekëve dhe studioi shkenca dhe filozofi përpara se të shkonte në Institutin e Shkencave Politike.
Para se të hynte në politikë, Macron kaloi disa vite si një bankier investimi, duke punuar për “Rothschild” nga viti 2008 deri në vitin 2012.
Ndërkohë që kritikët e tij u përpoqën të përdorin eksperiencën e tij në bankë kundër tij, Macron e nxiti atë si një pozitive, duke thënë se ai “mësoi një punë; çdo udhëheqës politik duhet të di një punë”.
2.Martesa e tij ka qenë një burim polemikash.
Macron u takua me gruan e tij, Brigitte Trogneux, kur ai ishte 15 vjeç. Trogneux, e cili është 24 vjet më e madhe se Macron, ishte mësuesja e tij në shkollën private katolike “La Providence” në Amiens. Kur ishte 17 vjeç, Macro thuhet se i tha Trogneux-it se ai planifikoi të martohej me të dhe ai e realizoi këtë premtim në vitin 2007.
Më herët këtë vit, martesa e tyre u përball me polemika edhe më të mëdha kur ai u akuzua se kishte marrëdhënie me një burrë.
“Për ata që duan të përhapin thashetheme se unë jam tradhtar … jo vetëm që është e pakëndshme për Brigitte, por unë e premtoj nga mëngjesi deri në darkë ajo ndan të gjithë jetën time me mua. Ajo po pyet veten sesi mund ta bëja fizikisht”, tha ai.
3.Ai punoi për Presidentin Francoise Hollande
Në vitin 2014, ai u emërua Ministër i Ekonomisë, Industrisë dhe të Dhënave Dixhitale për Presidentin Francoise Hollande. Ai u zgjodh për të zëvendësuar Arnaud Montebourg, i cili ishte i njohur për fushatën e tij mbrojtëse “Made in France”, për të inkurajuar njerëzit francezë që të blenin mallra franceze dhe jo të huajat.
Si ministër, Macron shkroi ligjin e pro-biznesit, “Loi Macron“, të cilin ai e firmosi me kryeministrin Manuel Valls për të shtyrë qeverinë socialiste drejt politikave më miqësore ndaj biznesit.
Ligji ishte jo popullor për popullin francezë dhe Parlamentin. Në fund të fundit, ai u miratua me dekret, kur Valls thirri një klauzolë të përdorur rrallë në kushtetutën franceze për ta shtyrë atë pa një votim parlamentar.
Ligji i diskutueshëm u hartua për të ulur burokracinë dhe për të rritur rritjen ekonomike.
4.Ai formoi partinë e tij.
Në Holandë, Makron shërbeu në Partinë Socialiste, por kjo nuk është partia me të cilën ai kandidonte. Në vend të kësaj, ai formoi partinë e tij, “En Marche!” (Përpara!).
Ai shpjegoi se vendimi i tij për të filluar lëvizjen e tij erdhi kur e kuptoi se, ai kishte “prekur me gishtin e vet, kufijtë e sistemit”.
Macron e bëri të qartë gjatë fushatës se ai nuk përfaqëson institucionin politik.
“Ajo që Macron ka arritur është e pabesueshme. Një vit më parë, kjo lëvizje as nuk ekzistonte”, tha Ronain Dupeyre, një avokat i cili ishte i përfshirë në fushatën e tij, sipas “The Washington Post”.
5.Ai konsiderohet si një centrist që ka pikëpamje të moderuara politike.
Gjatë zgjedhjeve, Macron është parë si një centrist, i cili nuk ka gjasa të sjellë ndryshime rrënjësore.
Ndryshe nga shumë kandidatë të tjerë kryesorë në zgjedhje, “The Ëashington Post” raportoi se Macron nuk mori një qëndrim të fortë se si të vazhdonte me gjendjen e jashtëzakonshme që u zbatua pas sulmeve terroriste të nëntorit 2015.
Ai, megjithatë, qëndronte në favor të emigracionit dhe Bashkimit Evropian
