Universiteti i Evropës Juglindore në Tetovë, ka hapur sot dyert për të prezantuar për studentëve të ardhshëm, ofertën akademike për vitin 2022-2023.
Në gjashtë fakultetet e këtij universiteti, sivjet pritet të pranohen rreth 1300 studentë, kryesisht nga Maqedonia, por edhe nga shtetet fqinje Kosova dhe Shqipëria, ndërsa nuk mungojnë edhe studentët nga shtetet evropiane.
Dekani i Fakultetit të Gjuhëve dhe Komunikimit Demush Bajrami theksoi se interesimi i madh i maturantëve për këtë universitet në Tetovë dhe në Shkup, ka të bëj kryesisht me shkallën e lartë të punësimit të studentëve që është mbi 70 për qind pas mbarimit të studimeve në Universitetin të Evropës Juglindore.
Risi sivjet në UEJL, është hapja e edhe një drejtimi, atij të shkencave mjekësore.
