Komisioni Rregullator për Energjetikë dhe Shërbime të Ujit sot ka miratuar Vendim me të cilin vaji ekstra i lehtë për amvisëri (EL-1) bëhet më lirë për dy denarë, ndërsa çmimet e derivateve tjera mbeten të pandryshuara.
Me këtë vendim, nga sonte në mesnatë, çmimi maksimal i benzinës EUROSUPER BS-95 do të jetë 81 denarë për litër, i EUROSUPER BS-98 – 83,50 denarë për litër, i EURODIESEL BS – 71 denarë për litër, vaj për djegie EL-. 1 – 68 denarë për litër, dhe M-1 mazut 41,437 denarë për kilogram.
Me vendimin e sotëm, çmimet me pakicë të derivateve të naftës ulen mesatarisht me 0,57 për qind.
Nga KRRE theksojnë se çmimet e referencës së derivateve të naftës në tregun botëror në krahasim me llogaritjen e mëparshme tregojnë një rënie mesatarisht: te benzina për 2,585 për qind, te nafta për 3,315 për qind, te vaji ekstra i lehtë për 3,937 për qind dhe te mazuti ulje për 0,713 për qind.
Tregtarët me shumicë dhe pakicë të derivateve të naftës dhe derivateve për transport mund të vendosin çmime të derivateve individuale të naftës dhe derivateve për transport edhe më të ulëta se çmimet më të larta të përcaktuara”; shtohet në kumtesën e KRRE-së.
