Ballina Lifestyle Veshje të shtrenja? Tani jo më. Ja disa sekrete si t’i bëjmë...

Veshje të shtrenja? Tani jo më. Ja disa sekrete si t’i bëjmë të duken të tilla!

Më poshtë kemi listuar disa nga detajet që e bëjnë një veshje të duket luks, edhe pse në të vërtetë nuk është e tillë. Disa mund të duken të thjeshta, por mendoni ta shtoni dozën me 10-fish? Nuk është shkencë raketash, por ju sigurojmë që do tërheqi vëmendjen që do të dëshironit.

 

1- Zgjidhni tonalitetin tuaj të preferuar por me një kusht, çdo gjë në atë ngjyrë!
E gjitha në të bardhë, ose të zezë. Jo vetëm që është më shumë se elegante por një veshje monokrome gjithmonë ka qëllimin t’ju tregojë moderne dhe klasike në të njëjtën kohë.

2- Një rrip me ngjyrë, gjithmonë!
“Mospërfillja” duket se është një mënyrë të sjelluri që në departamentin e modës përkthehet në stil. Nëse jeni nga ato femra me këmbë në tokë, që dinë se çfarë bëjnë, vishni një pulovër të gjerë dhe shtrëngoni belin me një rrip chic për një impakt maksimal. Duket kaq e thjeshtë…

3- Çanta që shkëlqejnë nga pastërtia!
Synoni çantat e lëkurës që edhe të keni mundësinë ti bëni të shkëlqejnë, çdo ditë. Përdorni locion trupi (pa aromë) në të gjitha llojet e lëkurave dhe me një pëlhurë të thjeshtë mund të largoni çdo papastërti. Edhe nëse udhëtoni, gjithmonë paketojini!

4- Sigurohuni që mos ketë asnjë rrudhë!
Kjo duket si ato shprehjet që të thotë mami përpara se të dalesh nga shtëpia dhe ne e dimë që koha e mëngjesit është e çmuar. Merrni 5 minuta nga kjo kohë për ti shtuar shkëlqimin e duhur veshjes tuaj. Do bëjë diferencën, na besoni.

5- Një xhaketë treçerekshe mund të jetë shoqja jote më e ngushtë!
Arma sekrete duket se është një xhaketë me prerje mashkullore e jakë sport. I jep xhinseve një kuptim tjetër, i përshtatet më së miri çdo prerje fustani, duket super chic e hedhur supeve dhe i bën pantallonat e ngushta të duken moderne në çdo rast.

6-  Flokë voluminozë dhe thonj që shkëlqejnë.
Një krehje voluminoze, buzë të kuqe, lëkurë e shndritshme – këto janë “prekja” finale.

7-Shtoni aksesorët gold.
Ka gjithmonë diçka të veçantë kur shikon një veshje të personalizuar në aksesorë në ngjyrë ari, qoftë kjo një varëse apo një çantë.

8- Investoni në trende pa kohë!
Fokusohuni të gjeni aksesorë që zgjasin gjithë jetën, si përshembull një palë syze, një pallto në ngjyrë camel, një palë xhinse klasike ose një rrip lëkure. Kurrë nuk i dihet se kur do të të duhen. E sigurtë është që do të duhen!

 
 
 
 
 
 
 
SHPËRNDAJE