Vivo me telefon që ndryshon ngjyrën

Kompania teknologjike kineze, Vivo, është duke punuar në një telefon që s’është parë deri tash në treg. Sipas raportimeve, ai do të ketë mundësinë të ndryshojë ngjyrën vetëm me një klikim.

Kompania po përdor xhamin elektrokrom për të arritur efektin ngazëllues.

Këtë javë ajo ka ndarë një video në “Weibo” duke demonstruar se telefoni shkon nga ngjyra vjollcë në të argjendtë.

Një koncept i tillë ishte paralajmëruar edhe nga “OnePlus” më herët.

Nuk janë dhënë detaje tjera për telefonin e as nuk dihet se kur do të dalë në treg.