Në një komunikatë me shkrim nga ana e VMRO-DPMNE thonë se përmes Kuvendit kërkojnë rritje të pensioneve për 20%, ose mesatarisht 3.000 denarë për pensionistët, si dhe rritje graduale të pagave nga ku thonë që LSDM të mos fshihet dhe përkrah këtë rritje.
Politika e keqe ekonomike dhe çmimet e larta që rrjedhin prej saj kanë gërryer të ardhurat e qytetarëve. Më së shumti vuajnë pensionistët.
Propozimi për rritjen e pensioneve për 20% ose për 3.000 denarë është propozim me qëllim që të eliminohen efektet e këqija të krizës dhe pensionistët të mos i ndjejnë efektet negative të rritjes së çmimeve.
Gjithashtu, VMRO-DPMNE përmes ndryshimit të Ligjit për pagën minimale kërkon harmonizim të pagave në sektorin publik, në mënyrë që pagat e mësimdhënësve në shkollat fillore dhe ato të mesme të arrijnë 45 mijë denarë dhe të ketë rritje të pagave edhe për personelin administrativ dhe teknik. Nga VMRO-DPMNE thonë që LSDM të mos i fshehë dhe të mbështesë propozimet e VMRO-DPMNE-së për të mirën e të gjithë qytetarëve.
