Edhe pse ka shumë mospajtime sa i përket vijës kufitare mes Kosovës dhe Malit të Zi, krejt tjetër pamje ofron një takim në mes të dyja komuniteteve.

Përfaqësuesi i malazezëve të Kosovës, Slobodan Vujeçiq, hapi dyert e shtëpisë së tij për përfaqësuesit e banorëve të brezit kufitar me Malin e Zi.

“Ajo që mendoj se nuk duhet të ndodhë është arbitrazhi. Arbitrazhi ndodh kur nuk ka ujdi mes dy qeverive, por në rastin e demarkacionit ekziston marrëveshja e nënshkruar mes të dyja shteteve”, ka thënë ai.

Në këtë takim palët ranë në ujdi se mund të bëhen korrektime në marrëveshjen e demarkacionit, bazuar në nenin 7 që jep këtë mundësi, e që sipas tyre Qeveria e Kosovës nuk e përdori.