YouTube ka hequr nga platforma kanalet ruse “Anna News”, “News-Front” dhe “Crimea 24”.
Sipas ms.detector.media. Mësohet se këto kanale ruse janë fshirë pas raportimit se postonin lajmeve propagandistike.
Në arsyen e bllokimit shkruante se këto kanale janë bllokuar për shkak të shkeljes së kushteve të përdorimit të YouTube. Para bllokimit kanali News-Front kishte 457 mijë abonentë, Anna News kishte 288 mijë abonent ndërsa “Crimea 24” kishte 25 mijë abonent.“News-Front” dhe “Anna News” ishin bllokuar edhe më herët për shkeljen e kushteve të përdorimit.
Vlen të ceket se agjencia e lajmeve ruse “News-Front”, ka seksionin e saj edhe në Serbi, ku publikon lajme në gjuhen serbe. Lajmet që i poston kjo agjenci dhe që kanë të bëjnë me Kosovën janë tendencioze.
Strukturat kosovare të sigurisë me 15 shtator 2016, i kanë ndaluar dhe më pas i kanë depërtuar nga Kosova, gazetarët e “News-Front”, Oksana Sazonova dhe Sergej Belousi.
Gazetarët rus në Kosovë kishin ardhur për të realizuar një film dokumentarë propagandistik për kinse përsekutimin e priftërinjve serbë dhe djegien e kishave serbe.
Gazetaret rus nuk kishin viza hyrëse për Kosovë dhe kishin hyrë ilegalisht, pasi që në pasaportat e tyre nuk kishte vula hyrëse.
Për shkak të hyrjes ilegale dhe veprimtarisë propagandistike, gazetarët rus u dënuan me para dhe iu ndalua hyrja në territorin e Kosovës për periudhën prej pesë viteve. /KP/
