Ish-kryeministri dhe kryetari i LSDM-së, Zoran Zaev deklaroi se në buxhet sivjet do të mungojnë rreth 1.3 miliardë euro ndërsa këtë barë duhet ta mbajmë bashkërisht.
Ai ju bëri thirrje qytetarëve të jenë të kuptueshëm në këto kushte të jashtëzakonshme që po rrezikojnë ekonominë e Maqedonisë, përcjell Telegrafi Maqedoni.
Sipas Zaev, pagesa e kontributeve në këto momente krizash është mes 30 dhe 40%, dhe kjo do të thotë se 60% e tatimeve do të mungojnë në buxhet.
“Do ta mbushim me 30% nëse sigurojmë kredit më shumë se 1.2 miliardë euro, ndërsa momentalisht në treg kredi na ofrohet më shumë se 600 milionë euro. Edhe nëse i sigurojmë 1.2 miliardë kredi, për t’i siguruar 30 për qindin tjetër duhet të shpenzojmë.”, tha mes tjerash Zaev.
