Nga VMRO-DPMNE akuzojnë drejtorin e Agjencisë për Zbulim në Maqedoninë e Veriut, Erold Musliun, se ka ndikuar që bashkëshortja e tij, bashkë me bashkëshorten e zv.kryeministrit Fatmir Bytyqi, të fitojë grant në vlerë të 620 mijë eurove.
“Le të tregojë Musliu se në cilin shtet evropian apo të NATO-s qeveria lidh marrëveshje me një konsorcium të organizatave joqeveritare të gruas së një ministri dhe gruas së një drejtorit të një shërbimi të zbulimit, pas së cilës marrëveshje, u vihet në dispozicion një grant prej 620 mijë eurove? Musliu të mos përpiqet të justifikohet me përkatësinë e tij etnike”.
“Nuk kalon kjo në publik. Ky është një nënvlerësim i plotë i inteligjencës së qytetarëve. Këtu bëhet fjalë për dyshim konkret për keqpërdorim dhe tregti me ndikim, shumë karakteristik për zyrtarët e këtij pushteti të BDI-së dhe LSD-së”, thonë nga VMRO-DPMNE .
