Një rrahje në një parking në Çair, qëndron në buletinin e Ministrisë së Punëve të Brendshme. Një 48-vjeçar nga Shkupi i ka denoncuar në Polici dy haraçinas, pasi e kanë sulmuar fizikisht, transmeton TV21.
“Më 16.05.2024 në ora 13.10 në SPB Shkup, F.Ç.(48) nga Shkupi ka denoncuar se në parking në Çair është sulmuar fizikisht nga Xh.M.(41) dhe B.M.(39), që të dy nga Haraçina e Shkupit, ku njëri nga ata ka përdorur edhe mjet të mprehtë”, qëndron në buletin.
Nga MPB thonë se pas dokumentimit të rastit, do të shqiptohen kallëzime përkatëse.
