Robert Levandovski ka mbyllur një pjesë të parë të sezonit si jo më mirë. Sulmuesi polak ka shënuar 4 gola në 4 takimet e para të Barcelonës dhe kryeson renditjen e golashënuesve në La Liga.Veterani i ka dhënë pikë të rëndësishme Barcelonës me rrjetat e tij, ndërkohë që tashmë ai i është bashkuar skuadrës kombëtare polake për të luajtur dy ndeshjet në Ligën e Kombeve këtë të enjte (20:45) në Gllazgou kundër Skocisë dhe të dielën (20:45) në Osijek kundër Kroacisë. Duke folur që nga kampi stërvitor i Polonisë, sulmuesi veteran ka deklaruar se e sheh veten të aftë për të arritur shumë gjëra me Barçën në këtë sezon nën komandën e Hansi Flik.
“Kam ndryshuar pak mentalitetin tim këtë sezon, sepse jam ende duke u përpjekur të rikuperoj forcën që kam humbur sezonin e kaluar, do të jap gjithçka në këtë sezon”, tha sulmuesi në një konferencë për shtyp.
Lidhur me ribashkimin e tij me trajnerin gjerman, me të cilin ai ishte pjesë te Bajerni në sezonet 2019-2020 dhe 2020-2021, fitoi gjashtë trofetë historikë në vitin 2020, ai shpreson të përsërisë ato suksese edhe me Barcelonën.
“Flik dhe unë fituam gjithçka në futboll me Bajernin. Unë shënova shumë gola, por siç e dini, skuadra që kisha me vete atje ishte perfekte. Me Hansin ne luajmë një futboll më shumë sulmues dhe kjo më jep më shumë mundësi për të shënuar. Sa më ofensive të jetë loja e skuadrës, aq më tepër rriten dhe shanset e sulmuesve për të qenë më pranë portës dhe për të shënuar. Objektivi im është të shënoj dhe të ndihmoj ekipin të fitojë çdo ndeshje”, shtoi polaku.
Në këtë kuptim, pasi shënoi katër gola në katër javët e paranë Liga, ai është optimist me shifrën e tij përfundimtare, duke kërkuar të përmirësojë rekordin e vet me 33 gola në 46 ndeshje në sezonin 2022- 2023.
“Sigurisht që dua të shënoj më shumë gola se në sezonin e kaluar, sigurisht. Por sigurisht që do të ishte qëllimi për të shënuar më shumë se 30 gola, nuk e di, ndoshta 35. Kjo varet edhe nga ekipi. Kështu që shpresoj ata më japin shumë mundësi për të shënuar gola”, tha 36-vjeçari polak.
