Kandidati i koalicionit VLEN për kryetar të Komunës së Gostivarit, Sebaedin Dauti, zhvilloi një takim me strukturat e koalicionit në këtë qytet. Ai u shpreh se pjesëmarrja e madhe dhe entuziazmi i të pranishmëve i japin bindjen se ndryshimi i madh në Gostivar është i pashmangshëm.
“Kënaqësi të takoj strukturat e koalicionit VLEN në Gostivar. Pjesëmarrja ishte impozante ku entuziazmi i të pranishmëve më jep edhe më shumë besim se ndryshimi i madh në Gostivar është i pashmangshëm. Qytetarët janë të gatshëm, të vendosur dhe plot shpresë për një të ardhme më të mirë. Me këtë përkrahje, do ta bëjmë realitet vizionin tonë për një Gostivar që VLEN”, theksoi Dauti.
Ai shtoi se bashkë me qytetarët do të ndërtojnë një perspektivë të re zhvillimi për Gostivarin.
