Në kuadër të aktiviteteve të tij, bartësi i listës së koalicionit VLEN në Tetovë, Albi Qamili, së bashku me liderin Bilall Kasami, kanë takuar dy figura të jashtëzakonshme të arsimit, Nijazi dhe Behije Bexhetin.
Për plot 43 vite, dy mësimdhënësit kanë edukuar dhe formuar gjenerata të tëra nxënësish në shkollën “Naim Frashëri”, duke lënë pas një trashëgimi të çmuar në arsim dhe kulturë.
Në këtë takim u theksua rëndësia e Strategjisë së Zhvillimit të Arsimit në Tetovë, e promovuar një ditë më parë nga Komuna, që parasheh shkolla të reja, mësim me një ndërrim dhe kushte më të mira për nxënësit e mësimdhënësit.
“Bashkë me të gjithë, për kapitullin e dytë të Tetovës, do t’i japim hov zhvillimit dhe përparimit të arsimit”, u shpreh Qamili.
