Bartësi i listës së koalicionit VLEN për Tetovën, Albi Qamili, ka ushtruar sot të drejtën e votës, duke theksuar rëndësinë e pjesëmarrjes aktive të qytetarëve në zgjedhje.
“Sapo realizova të drejtën time të votës, duke pasur në mendje të ardhmen e rinisë sonë, shoqërisë dhe qytetin tonë të bukur. Tetovarë, zgjidhni të ardhmen! Votoni për një Tetovë që punon për të gjithë!” shkroi Qamili pas votimit.
Ai bëri thirrje që çdo qytetar të marrë pjesë në procesin zgjedhor dhe të kontribuojë në ndërtimin e një qyteti më të zhvilluar dhe më të drejtë për të gjithë.
