Deputeti i pavarur, Ilir Demiri, gjatë emisionit Click Plus në TV21 shpjegoi votën e tij pro Ligjit për Kundërvajtje, apo siç njihet në opinion projekti Safe City.
Ai tha se do të ishte shumë i lumtur nëse ky ligj shpëton të paktën një jetë dhe i shpëton dy familje nga fatkeqësia.
Demiri shtoi se ky ligj është rekomandim i Bashkimit Evropian.
“Është rekomandim i Bashkimit Evropian dhe pjesë e harmonizimit të ligjeve me BE-në”, theksoi Iliri Demiri.
Ai tha se kritikat ndaj këtij ligji në opinion janë inxhiniering politik dhe nuk kanë të bëjnë me realitetin.
