“Sot ishim në terren për të parë nga afër ecurinë e punimeve në rrugën Kamjan–Sellarcë. Punimet janë intensifikuar dukshëm gjatë kësaj jave dhe projekti po zhvillohet me ritëm të mirë. Së shpejti pritet të fillojë edhe asfaltimi i rrugës!”, ka njoftuar kreu i komunës së Bogovinës, Feti Abazi. Ai, gjithashtu ka konfirmuar se edhe projektet e tjera do vazhdojnë me avazin e njejtë.
“Vazhdojmë me përkushtim për realizimin e projekteve që përmirësojnë jetën e qytetarëve tanë!”, ka përfunduar, ai.

