Bashkimi Demokratik për Integrim ka filluar publikimin e emrave të kandidatëve për kryetar komunash.
Në vigjilje të kësaj, bie në sy se kreu i kësaj partie, Ali Ahmeti, ka hequr dorë nga shumë komuna të cilat ua ka “falur” aleatëve politikë të ndarë nga vetë ai.
Në mesin e komunave për të cilat Ahmeti ka hequr dorë është edhe Tearca.
Në këtë mënyrë, kreu i integristëve duket se ka vendosur të mos rikandidojë Nuhi Nezirin, duke i dhënë përparësi kandidaturës së Nazim Taipit nga Aleanca për Shqiptarët.
Pakënaqësitë brenda integristëve janë të mëdha, pasi nga komunat me peshë, kësaj partie i kanë mbetur vetëm Tetova dhe Çairi, ndërsa të tjerat janë lënë në duart e partive tjera.
Zyrtarisht, Ali Ahmeti bën “kurban” Nuhi Nezirin për Nazim Taipin
