Arben Fetai, njëri nga liderët e VLEN tha sonte në Tearcë tha se në këtë komunë si pushtet qendror kanë investuar 2.5 milionë euro e që janë projekte nga Ministria e Transportit dhe Ministrisë së Ekologjisë, sepse siç thotë si koalicionm “nuk duam t’i ndëshkojmë qytetarët për shkak të një aksidenti ku qeveriset nga BDI”.
Tearca, thotë Fetai, është keqqeverisur njëjtë si Likova dhe është një nga komunat që pas 23 vitesh si edhe shumica dërrmuese e komunave shqiptare do të rreshtohen përkrah ndryshimit me VLEN, krejt kjo duke përkrahur këta djem dhe vajza më të mirë që janë në krye të procesit që garojmë si koalicion.
“Një thënie e vjetër thotë- kur dikush e humb luftën e argumenteve, ngelen vetëm shpifjet për humbësit, ne përballemi saktësisht me këtë situatë, kemi përballë një koalicion që ka humbur betejën ende pa filluar dhe duke e ditur se kanë humbur po shpifin vazhdimisht, na quajtën zagarë, qoftë në ndërgjegjen e tyre, ne në Shkup e dhamë porosinë, shqiptarët nuk kanë qenë asnjëherë dhe nuk do jenë zagarë të askujt”, ka thënë Fetai.
