Në Komunën e Zhelinës, e ardhmja ndërtohet mbi idetë dhe energjinë e brezit të ri. Sot, nën udhëheqjen e kryetarit Blerim Sejdiu, u mbajt një takim i hapur me të rinjtë e komunës, ku qëllimi kryesor ishte të dëgjohen mendimet, idetë dhe propozimet e tyre për një Zhelinë më të zhvilluar e më moderne.
Kryetari Sejdiu theksoi se rinia është në qendër të zhvillimit lokal, prandaj Komuna mbetet e përkushtuar të krijojë më shumë mundësi, hapësira dhe projekte që i fuqizojnë ata dhe i bëjnë pjesë aktive të vendimmarrjes.
Ky takim ishte dëshmi se Zhelina ecën përpara duke e parë rininë si partnerin më të rëndësishëm në ndërtimin e një të ardhmeje më të mirë për të gjithë.
