Për më shumë se dy javë, në komunën e Bogovinës nuk janë mbledhur mbeturinat.
Koshat janë tejmbushur, rrugët janë kthyer në deponi të hapura dhe era e rëndë është bërë pjesë e përditshmërisë së qytetarëve.
Fotot që kanë mbërritur në redaksinë tonë tregojnë gjendjen alarmante në pothuajse të gjitha fshatrat e komunës së Bogovinës.
Banorët denoncojnë kryetarin Besnik Emshiu, i cili , sipas tyre,“e ka lënë komunën në bërllok, pa ujë dhe me rrugë të shkatërruara”.
Në vend të menaxhimit dhe përgjegjësisë, mbizotëron heshtja.
Bogovina është shembulli më i qartë i dështimit komunal, ku mungon kujdesi ndaj qytetarëve dhe shërbimeve bazike.
