Gjatë ditës së sotme, Zulhajrat Demiri, kandidat për kryetar të Komunës së Vrapçishtit, zhvilloi takime të shumta me qytetarët në tregun e fshatit Negotinë.
Demiri u prit me mikpritje dhe atmosferë pozitive nga banorët, të cilët shprehën interes dhe mbështetje për vizionin e tij për zhvillimin e komunës. Sipas tij, energjia dhe komunikimi i drejtpërdrejtë me qytetarët janë një sinjal i qartë se ndryshimi jo vetëm që po kërkohet, por edhe po vjen.
Takimet në terren, siç thekson Demiri, do të vazhdojnë edhe në ditët në vijim, me qëllim dëgjimin e drejtpërdrejtë të halleve dhe nevojave të qytetarëve të Komunës së Vrapçishtit.
