Presidentja Vjosa Osmani ka thirrur seancën konstituive të Legjislaturës së nëntë të Kuvendit të Republikës së Kosovës për datën 15 prill.“Presidentja e Republikës së Kosovës, Vjosa Osmani, në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025”, ka thënë Presidenca raporton “Gazeta Blic”.
Kryeministri Kurti ka nisur takimet me përfaqësuesit e subjekteve politike minoritare për të siguruar numrat e nevojshëm për formimin e institucioneve.Kryetari i Iniciativës së Re Demokratike të Kosovës (IRDK), Elbert Krasniqi, ka konfirmuar gadishmërinë për t’a mbështetur Kurtin për formimin e Qeverisë së re.
Po ashtu edhe përfaqësuesi i koalicionit VAKAT, Rasim Demiri, ka shprehur gatishmërinë për të bashkëpunuar me Kurtin në formimin e Qeverisë së re.Por dy përfaqësues të partive politike nga minoritet ende nuk kanë konfirmuar votën, pro, Qeverisë kurti 3.
Duda Balje nga Bashkimi Social Demokrat (SDU), dhe Veton Berisha nga Partia Liberale Egjiptiane (PLE), kanë thënë se nuk kanë dhënë një konfirmim ndaj kryeministrit në detyrë, Albin Kurti, nëse do ta mbështesin për një mandat të tretë.Sipas tyre, kryeministri nuk ka konfirmuar ende nëse do të plotësojë kërkesat që ata kanë për komunitetet që përfaqësojnë, boshnjakët dhe egjiptianët.
Por nga prtia e cila ka dalë e para në zgjedhjet e 9 shkurtit, Lëvizja Vetëvendosje, po shprehen të bindur se do t’i sigorojnë numrat për formimin e institucioneve dhe se Qeveria Kurti 3 do të bëhet.Kështu u shpreh për “Gazeta Blic” deputeti i këtij subjekti politik, Mefail Bajqinovci.
“Gjithsesi Qeveria Kurti 3 do të formohet” tha Bajqinovci për “Gazeta Blic”/Gazeta Blic/
