Ekipi i NPK “Mirëmbajtja” Komuna e Zhelinës, ka realizuar ndërhyrje në fshatin Pallaticë, me qëllim përmirësimin e gjendjes së krijuar si pasojë e reshjeve të dendura të shiut.
Ndërhyrjet kanë përfshirë:
Pastrimin e kanaleve të ujërave atmosferike
Normalizimin e rrjedhës së ujit
Largimin e bllokimeve dhe materialeve penguese
Përmirësimin e kushteve në pikat më të rrezikuara nga vërshimet
Falë këtyre veprimeve, gjendja është stabilizuar dhe rreziku nga vërshimet është zvogëluar ndjeshëm, duke u lehtësuar qarkullimi dhe siguria e banorëve të fshatit Pallaticë.
Ekipet do të vazhdojnë monitorimin e situatës dhe do të ndërhyjnë sipas nevojës.




